Efektiviteti i gjykatave mund të vlerësohet objektivisht përmes përpunimit të të dhënave. Për fat të keq, gjykatat shqiptare prodhojnë pak statistikë gjyqësore, pasi shumica e të dhënave administrohen prej tyre në regjistra në letër. Platforma gjykataehapur.al i jep zgjidhje këtij problemi përmes teknologjisë së informacionit dhe krijimit të databazave digitale që mundesojne përpunimin e volumeve të mëdha të të dhënave në kohë rekord. Fokusi kryesor është vlerësimi i kohëzgjatjes së shqyrtimit gjyqësor dhe arsyetimit të vendimit nga gjyqtari/trupa gjykuese.
Për të lehtësuar përdorimin e kësaj Platforme, INFOÇIP ka ndërthurrur elementët grafikë me funksione kërkimi të fuqishme, të cilat lejojnë identifikimin me një klik të çështjeve gjyqësore më të vonuara, rankimin e dosjeve sipas kohëzgjatjes së gjykimit, identifikimin e çështjeve sipas gjyqtarit apo trupit gjykues që i ka relatuar, etj
Paltforma www.gjykataehapur.al mundëson vlerësimet tematike të vonesave gjyqësore përmes filtrave të dizenjuara enkas nga INFOCIP. Vlerësimi i vonesave është i bazuar 100% në të dhëna të faktueshme dhe rrjedhimisht është objektiv. Po ashtu, Patforma ka testuar me sukses edhe vlerësime specifike në fushën e vendimarrjes gjyqësore, sikurse çështjet me objekt “marrdhëniet e punës” dhe pasojat jurdike për palet ndërgjyqëse.
Databazat e Platformës GJYKATAEHAPUR.AL rendisin dhe dokumentojne kohën e regjistrimit të çështjes gjyqësore, kohën e dhënies së dispozitivit të vendimit për cështjen gjyqësore në fjalë si dhe kohën që gjykata konsumon më pas për arsyetimin e vendimit dhe dorëzimin e dosjes gjyqësore në sekretarinë e gjykatës. Përbri këtyre të dhënave renditet edhe gjyqtari i çështjes (emer mbiemer ose me iniciale), apo trupi gjykues sipas rastit, për një transparencë të plotë të situatës që lidhet me shqyrtimin në afat ose eventualisht vonesat në shqyrtimin gjyqësor.
