10 Mar KOLEGJI ADMINISTRATIV, GJYKATA E LARTE, MONITORIMI 2017 – 2018
Në terma kohore, monitorimi mbulon vitin 2017. Ai analizon dhe evidenton situatën e vonesave në shqyrtimin gjyqësor dhe dorëzimin e dosjeve në Kolegjin Administrativ të GJL (hap këtu databazën e plotë). Të dhënat e monitorimit shërbejnë për të përllogaritur gjithashtu nivelin e zbatimit të ligjit Nr. 49/2012 “Për organizimin dhe funksionimin e gjykatave administrative dhe gjykimin e mosmarrëveshjeve administrative”, (ndryshuar me ligjin nr. 100/2014). Në total, INFOCIP disponoi nga Gjykata e Lartë 897 të dhëna vendimesh
prej të cilave analizës së posaçme për efekte të këtij vlerësimi tematik iu nënshtruan 836 prej tyre. Të dhënat respektive përfaqësojnë numrin e aktit, numrin e vendimit, datën e regjistrimit, datën e seancës, datën e dorëzimit, datën e perfundimit etj… Kolegji Administrtiv i Gjykatë së Lartë shqyrton çështjen brenda 90 ditëve nga data e ardhjes së rekursit dhe akteve bashkëlidhur prej gjykatës ku është depozituar rekursi (neni 60, pika 2 e ligjit nr. 49/2012, të ndryshuar). Gjykata administrative e shkallës së parë dërgon rekursin, së bashku me aktet që i bashkëlidhen atij, vendimin e gjyqtarit për pranimin e rekursit, aktet e komunikimit të rekursit, kundër-rekursin, si dhe dosjen e gjykimit në Gjykatën e Lartë, brenda 10 ditëve nga data e përfundimit të komunikimeve. Për të vlerësuar kohëzgjatjen e procesit gjyqësor administrative në GJL, i cili në ligj parashikohet të jetë 90 ditë, nevojitet disponimi i datës së regjistrimit të rekursit dhe data e vendimimit të çështjes. Rregjistrat e Gjykatës së Lartë nuk dokumentojnë datën e ardhjes së rekursit me atribute të plota kalendarike (shënohet vetëm viti, por jo dita dhe muaji). Në kuadër të këtij Raporti, kjo konsiderohet një “e metë” në sistemin e mbajtjes së të dhenave nga GJL. Për efekt të këtij monitorimi, data e saktë e ardhjes së rekursit është gjeneruar
nga operatorët e INFOCIP përmes metodës së kryqëzimit të të dhënave me burime të tjera parësore që administrohen nga vetë GJL. Nga ana tjetër, data e vendimit është një e dhënë e cila dokumentohet rigorozisht në fletët e regjistrave të GJL.
Kliko këtu për të shkarkuar raportin e plotë