09 Mar Vleresimi i ngarkeses gjyqesore, Gjykata e Faktit Durres, viti 2017

Gjykata e Rrethit Gjyqësor Durrës është një gjykata që përballon ngarkesën më të lartë të punës ndër gjithë gjykatat e shkallës së parë në RSH. Vetëm çështjet e themlit të vendimuara prej saj në vitin 2017 ishin 3041. Kjo përbën vetëm një pjesë të ngarkesës gjyqësore e cila në tërësinë e saj përfshin edhe vendimet e ndërmjetme, urdhrat e ekzekutimit si dhe masa sigurie.
Kjo ngarkesë gjyqësore gjatë vitit 2017 u përballua nga një trupë gjyqësore prej 17 gjyqtarësh, të organizuar në Dhomën Civile dhe në Dhomën Penale. Totali i çështjeve gjyqësore të vendimuara prej tyre në vitin 2017 është detajuar edhe si shumë e vendimeve civile dhe atyre penale që ata rezultojnë të kenë dhënë për çështjet e themelit të shqyrtuara prej tyre.
INFOCIP ka vlerësuar ngarkesën gjyqësore në Gjykatën e Faktit Durrës për çështjet e themelit të vendimuara gjatë vitit 2017. Të dhënat e analizuar përmes Platformës GJYKATAEHAPUR.AL sugjerojnë një ngarkesë mesatare prej 179 çështje për çdo gjyqtar. Kjo konsiderohet një ngarkesë relativisht e lartë, po të kemi parasysh se shqyrtimi në themel i ështjeve në shkallë të parë është kompleks dhë më impenjativ në terma të administrimit të provave dhe arsyetimit ligjor, krahasuar me shkallët e sipërme të gjykimit në Apel dhe në Gjykatën e Lartë.
INFOCIP, për herë të parë ka analizuar edhe treguesit e eficiencës gjyqësore për secilin gjyqtar në raport me ngarkesën që ai ka patur sa i takon çështjeve të themelit. Treguesit e eficiencës në këtë rast nënkuptojnë kohëzgjatjen e shqyrtimit gjyqësor dhe kohëzgjatjen e arsyetimit të vendimit.
Përmes Platformës GJYKATAEHAPUR.AL është bërë e mundur që përmes funksioneve të filtrimit dhe të rankimit, të mundësohen krahasimet e këtyre treguesve veç e veç apo të kombinuar, sipas rendit të dëshiruar.
Këto funksione krijojnë mundësinë për të vlerësuar edhe shpëndarjen e ngarkesës gjyqësore përmes mekanizmit të shortit. Po ashtu është e mundur që të përllogaritet dhe të vlerësohet edhe performance individuale e çdo gjyqtari në kushtet e raportit që krijohet midis ngarkesë gjyqësore dhe vonesave eventuale të secilit. Këto të fundit janë identifikuar në tabelën e mëposhtme vetëm për çështjen e cila rezulton të ketë patur vonesat më ekstreme respektivisht në shqyrtimin gjyqësor dhe në arsyetim/dorëzimin e vendimeve.
INFOCIP po punon për të sjellë përmes Platformës GJYKATAEHAPUR.AL vlerësimet nominale për çdo gjyqtar të veçantë, duke u fokusuar kryesisht në cështjet e thmelit të vendimuara prej tij vit pas viti. Pilotimi i këtij sistemi nominal vlerësimi është realizuar me sukses ndërkohë për treupën gjyqësore të Gjykatës së Lartë dhe është në proces kolaudimi për trupën gjyqësore të Gjykatës Administrative të Apelit.
Të gjithë vlerësimet tematike për vonesat dhe ngarkesën gjyqësore për cdo gjykatë janë tashmë të pasqyruara në platformën GJYKATAEHAPUR.AL